我們的約會（三）

由於坐骨神經痛和右小腿有時抽筋，可能是職業病吧，所以久不久会到Chinatown做foot/back massage. 而來到深圳這個全世界最平、選擇最多的Massage market 當然不會錯過。上次11月回港時，已打聽過一Ｄ正經嘅SPA地方，亦和煊煊去過，仲知道超過三个鈡的消費可留夜。

所以今次跟个團在羅湖集合、一定要去Spa啦！已經超過50小時冇瞓啦! 揾到一間全新靚靚大Spa塲，連２个小時推油 stone Massage and 1 hr foot and neck massage plus小費加早歺飲茶點心都喺$500人民幣２個人，對我來說是超值！

第一次的刮沙亦在這裡。點解要刮沙? ？其實已經是第二个按摩師同我提議。來港前已患感冒並剛愈，在美的按摩師已經告訴我刮沙對我会好些，但自認為還好，頂得順。但搭飛機真辛苦和冇得瞓，个背脊痛到死兼似砧板，唔刮真可能会再病! 不過刮完真係好核突，雖然舒服少少，不過成个背又紅又瘀又痛，要四、五天先靚番，下次我一定要再三思。

Join美食之旅２天１夜團是去台山康橋溫泉，你都唔好問我好唔好玩，因為我是全程大昏迷！早一晚在SPA場又瞓唔到，間房近Exit和洗手間，成晚Ｄ關門和腳步聲嘈嘈閉！唉! 我真是攰到想死啦!

不過，有景點嘅站我都會落車

Nita 同大佬原本想去泰國，仲Book 埋日期机票，不過一聽我哋去玩又跟埋我吔一齊去，如my girlfriend said "他們太愛我哋啦！" 哈哈! 這是我和他們第三次去威呢!

到溫泉別墅，我立刻去揾周公子談心兼下棋，連最貴个歺都miss埋，只好望梅止渴。嗚嗚嗚‧‧‧‧‧

我瞓到十点幾先起床，要去吃宵夜呢！

下次，一定要我girlfriend 幫我打包晚餐! 不過第二天浸溫泉真是超爽呀！好彩冇錯過，否則真是白來一趟了。

我哋遲咗報名，架車坐在最尾排，凳到暈，過guy又唔靚仔兼話題沉悶。最慘情是要強迫我哋聽佢唱歌! 仲兩首，我瞓著都被佢嚇醒呀! Girlfriend 問我仲跟唔跟多過２天１夜團?

我嚇到跳起，咪玩我啦！我寧願回港被多Ｄ錢住Hotel好過! 他他條條而且可以煩吓師兄同學們等人，仲可以遊吓香港呢！

下一站澳門！我要打擾朋友~ Joseph and Maggie!

P.S. 我嘅Jet-Lag仲未玩完，明天返工死o緊啦‧‧‧‧

 

我們的約會（二）

第二天約咗班女同學歎早茶兼回校，我由於太過攰又興奮仲有時差關係，只睡了一个半鈡頭就醒了，冲過涼就Check Out 寄行李等就出門，當晚準備同个girlfriend上深圳。

初次看見Joyce個仔仔，真感令人妒忌，已經十儿歲。行埋似姊弟多些，高個媽咪啦！若果我唔去移民，真喺好有可能會同佢一樣有個咁大個孩子了! 不過，世事從來都冇如果的，亦無後悔嘅药食。所以只有妒忌囉！哈哈！

返学校兜咗个白鴿轉，先知入校參觀要預約！Joyce就立刻落實个日期和鐘數及自願揾电話号碼会搆掂同學校約時間，真是一個細心、體貼的好女人！

除后，她和我們告別，佢要和仔仔睇醫生。而我們餘下三人則去赤柱玩啦！

 

第一次到赤柱市集很新奇，好有遊客Feel呢! 又有Ｄ似New York Chinatown; 不過就乾淨靚仔得多。

 

我的兩位女朋友在上址逗留了一個多鈡頭，佢哋真喺似遊客多過我! 某位小姐仲連氣買了兩个手袋呢！

 

這裡是一个悠閒好去處，又有嘢睇，又有女溝，仲有o野食！有Ｄ似歐洲風情。

 

她是程程，好可愛漂亮，三歲啦！在赤柱偶遇啊！

 

呢一間嘢超貴、份量又mini兼難吃，真o係唔好去呀!

 

哈！有時真感到好幸福，唔識綁蝴蝶結不是問題，出外不是有friend幫忙嗎？好Happy呀！

去完赤柱返落香港島，飲支利賓納(派)和糖水，就去深圳啦!

 

P.S. 返到美國發現煊煊牙肉發炎，佢半夜起身吃第二次消炎藥，我就知佢一定好唔舒服，所以今晨我起床煮過Ｄ軟小小嘅飯同整咗Ｄ菇菇碎肉豆腐比佢帶去做Lunch。

其實每次我不和煊煊一齊出外或旅行，他都会有小小嘅狀況出現！今次被我預計中小得多，上儿次仲大獲! 唉，真是前世！

我們的約會（一）

千言萬語不知從都裡開始寫起，這次回港的8天行程裏，除了那痛苦的坐机時間，可以說是我人生中非常有价值的一章! 亦是自移民后在HK逗留最長久的一次，過足旅客隱，哈哈！想起都好笑....一個100% made in Hong Kong 居然回到家鄉做遊客。可見HK變化真大，亦有很多景點要留待下次再去呢!

在228的聚會，我和Kitty是中四、五生文科班的代表，其餘全屬理科同學。本人是一個自來熟，更有一些同学們在初中同過班，亦有聞名已久的，加之有些同學已在FB相談甚歡，所以亦可以打成一片，不亦樂乎！今次真是一個難得的聚會。很高興自己做了一個明智的決定呢!

飛機準時抵港，回到酒店休息小刻，就和蔡同學一起去富記。蔡同學真是長大了，我看到他的第一眼就知道他一定有５呎１１吧~哇！好高大啊！最適合幫我拿東西！嘻嘻！我對他可是一點也不客氣呢，真是一個好cute的鄰家男孩，就如我的弟弟一般感到親切和舒服，而且有一女同學的女兒對他非常欣賞啊!

問阿怪幫幫眼選一個實用中文軟件，這方便我寫Blog; 反正途中亦經過电腦中心，他recommand 這一套給我

我会過兩天install 來試試，是否好用

嘻, 我們大合照，Raymond 遲來而黄恆泰同學要早走，未能和他們相談啦。

 

到達餐館，看見東東獨自在發呆，一副心事重重的樣子。哈，這是我和東東的第一次正式見面和說話;  我可是有些怕生呢！他是我們同學們中最「老」成的一位！想當年可是沒有車軌啊! 真不知道這位當年的天才書生畢业后諗什么? 諗到出曬軌! 哈哈！不過他是一位非常有耐心的人，這是我在港的數天中發掘出來的。亦可能是他職業上的需要吧!

看見同學們三五成群到達，真是五味雜陳，思潮起伏。女同學們有些是完全和中学時一般，沒有分毫差別！個個都和往昔一般，只是更添亮麗，嫵媚！猶以李玉容、Mango、Fanny和李娜為最，真是保養得宜呢！

男生則就成熟了，有些根本和記憶中兩个樣子啊! 阿Dick，我根本不認得啦！很Man啊! Fatfat 和林曉東則胖了不少，可能心廣體胖吧！

非常開心的一晚，個個是主角，位位都Happy！我們有講不完的話題和回憶趣事，可惜時間不能停留多刻。有些同學可是要回家交人，其餘則轉到K場繼續

你睇佢地幾High! 這是我第一次玩「大話骰」阿怪是老師！呃咗很多酒飲呢！

二丁班的老同學合照！喂，你睇我哋有冇邊到唔同？

最遲來的同學~樹熊~真有心!

嘻，嗰晚玩天光，成5点先返回酒店，最后的儿小時我都唔知有冇講錯嘢得罪人! 不過真是非常Relax和高興(Over24小時冇瞓加時差又飲咗N咁多枝Beer)真是 一个非常Happy 的晚上。

寫住咁多，明天再續‧‧‧‧

返港的機上坐滿了去大陸的中國人，他們大都攜帶着1至2个不等的小孩，年齡0-4歲，我深深相信他們大多都會將小孩帶返自己的鄉下讓親人代為撫養‧‥‧‧而我在回美的途上亦遇見很多一對對美国老外夫婦，令着一個個數月大的小中國女孩回美撫養‧‧‧‧真是非常諷剌的生活社實。

P.S. 今天瞓了５個鈡起床，Check 吓FB睇吓照片 又煲咗个白菜燒豬骨粥，非常之「正」! 吃完隨之繼續大昏迷。

 

此粥煲完是絕不肥膩的，味道更是一流！平靚正!