我們的約會（六）

這幾天感到自己非常嚴重的~效率慢，寫个香港之旅開咗五篇文章都可以未完，真頂自己唔順，我決定今天一氣呵成，做一个總結。

在港最后一天半，去咗摩羅街、約同學們落蘭桂坊、上樓Bar同返回母校。當然我們更有去Ｄ有懷舊特色嘅餐館啦‧‧

美都飱室位於油麻地廟街附近，根據師兄可靠情報話說有很多电影講數嘅塲面都是在這裡借景拍攝！情報又話呢度紅豆冰，干炒牛河同西多士都唔錯，情報來源除咗師兄外還有一位衣著和樣貌極似曹達华探長嘅阿伯(佢當時坐o係門口中間頭桌)提供!

碟干炒牛河去咗邊？嘻嘻，當然食咗啦！不過炒得麻麻

我哋又過對面海，蓮香樓再食過!

蓮香樓每籠每碟都好大件o架! 但亦非常失望! 因為去遲咗﹔食唔到傳統「千層糕」啊!

咁多糕中我只喜愛千層糕啦！嗚嗚嗚嗚，我唔制！

我哋跟住落咗古董舊物集中地(旅遊景點)~ 嚤囉街，Girl friend 在同一條街工作十儿年都未來過，可想而知這是旅遊景點中嘅景點呀！

我問咗相中后邊店中左上角金色蓮花盤木浮雕刻价錢，佢開四萬! 哇! 一定唔買啦！你估係金呀！金色油漆咋！

 

又去搭完中環至半山自動扶手電梯(行程)、就落去銅鑼灣睇喵喵,嘻! 兼吃飯！

Yeah! Thanks 阿怪！終於得償所願來到蘭桂坊，陪我行咗三轉大運! 講解吓Ｄ地方我知呢！

其實我返嚟第一個最想去嘅名勝之地就是蘭桂坊！真是慕名已久! 太久太久啦! 每次返嚟D人都喺同我講冇乜好行！有乜好去?！嘿嘿! 其實好多名勝或者大城市都喺冇乜好行! 但作為遊客你都喺要親身去過先知是與否。

我是好酒之人，好似落芭提雅会蒲Bar，去New Orleans 会去Jazz Club一樣，在NY當然去過Soho。我唔怕人望，最怕人唔望! 哈哈！望吓Check Out 吓有乜所謂呢！又或者我Ｄ古怪脾氣發作!加之身為HK人連蘭桂坊咁出名喎(拍戲o羅景、明星濶太緋聞或過節時新聞~踏死幾人?!)都未去過，真喺講唔過去。亦曾諗過自己半夜摸嚟睇吓，有時唔睇唔心息。嘻！我都儿仲意這裡，下次会再返嚟o添!

當日喺Friday 應該比較多人，可惜天氣差，同學們對Outdoor是沒有外國遊客咁有mood啦！佢哋等我呢个美燦行老蘭已經在7-11等咗好耐，真唔好意思了! 最后決定去灣仔上樓BAR到坐吓，我都未去過上樓BAR又可以見識吓！

Jessie 同我講，佢地現在都好少落呢Ｄ地方啦！其實我一早都知，大家同學都成家立室，有兒有女有工作，邊度好似做仔做女時成日蒲啦！而且我們不同科、有些亦未同個班，他們真是熱誠得很。不論落老蘭、落Bar又或者放工特登趕出o黎飲茶吃飯等等‧‧‧‧我都明白，真是非常非常感動啊!

第二日、上機前早上返校，終於可以入內參觀啦！這是自畢業以后，第一次踏回母校

母校變得好新潮、開放。大家一路行影吓相，回顧吓兒時趣事、糗事或是‧‧‧嘻嘻還有輝煌戰績！其實一班同學回校真係好好玩o架！好多互動嘅回憶一起分享！我們看到一些老師，他們非常開心見到舊生回校探望呢！還要求寄回相片啊！我好似回到以前頑皮、天真歲月一樣，開心，快樂和無憂！

其實今次返學校、我只記得學校兩座Building和助教‧‧‧教我的老師已經退休或移民又或離職真傷感‧‧好彩有班老同學陪我一齊探訪，否則真是有小小尷尬。臨別還應承校長過儿年回來參加50週年校慶‧‧‧唉，早儿天才看完中二o個年嘅２０週年校刊呢! 轉眼多儿年又話50週年， 真是歲月不饶人！

牡丹庭午餐其他同學放工都趕到來敍敍見見面，真是一個Happy Ending！不枉此行! 不枉此行!

同學們，未來十一年，那一位來New York, New Jersey, 我一定会放假好好招呼你哋! 等你們啊!

P.S> Levian我同你喺姊妹，你招呼我是應該! Kitty, 你都喺! 我唔会感動嘅！

美國公費資助胚胎幹細胞研究 嚴防克隆人體

美國總統奧巴馬9日簽署行政命令，宣布解除對用聯邦政府資金支持胚胎幹細胞研究的限制。他說，這一政令將終結“科學証據與道德價值觀之間的偽兩難選擇”。奧巴馬還簽署一份總統備忘錄，意在加大科研投入力度，加強政府決策的“科學性”。

美國人已經達成共識，我們應該繼續這類研究，”奧巴馬說，“它潛力巨大，以（制定）准確規範和嚴格監管方式，危險能夠避免。”

美國過去幾年在胚胎幹細胞研究上採取了“錯誤的選擇”，致使美國最好的一些科學家被迫到其他國家從事相關研究。本屆政府將堅定支持科學家們開展研究，並力爭使美國在這一領域取得領先地位。奧巴馬認為，他當天簽署行政命令是推進美國科學進程的重要一步。

不同于前總統喬治‧W‧布殊任內限定聯邦政府經費僅能用于資助研究已經存在的胚胎幹細胞，新政令將允許聯邦政府經費資助培育數以百計的新幹細胞系，而這類研究先前完全依賴民間資金資助。

奧巴馬在講話中強調，新政令不會允許產生“克隆人”。“我們將確保政府決不開啟克隆技術用于‘複制’人體之門，”“它不僅危險，而且嚴重錯誤，在我們的社會或任何一個社會都沒有立足之地”。醫學奇跡不單依靠“意外”創造，更有賴于研究人員長期艱苦工作和政府大量人力、財力投入，“當政府不作這些投資，機遇便擦身而過”。

白宮科技顧問委員會聯席主席哈路達‧瓦默斯9日說，如果這項政令獲國會批准成為法律，奧巴馬經濟刺激計劃中撥給國家衛生研究院的100億美元中“相當大一部分”會投入幹細胞研究領域。

有關公司股價大漲

奧巴馬新政令讓研究人員和患者備受鼓舞之際，也讓眾多投資者看到潛在商機。

由于投資者爭相進入生命科學領域，從事幹細胞研究的生物技術企業股票價格不斷升高。

奧巴馬發表講話當天，致力于生物制藥和幹細胞療法的塞龍公司股價上漲23％，達每股4.8美元；另一家生物科技企業“幹細胞公司”股價則飆升43％，達1.98美元。

加利福尼亞州生物時代公司的邁克爾‧韋斯特說，新政令可能為企業帶來“立竿見影”的效益。他說，他所屬企業剛從芝加哥一家診所購買若幹胚胎幹細胞系，准備將它們出售給這一領域的相關研究人員。

iPS細胞

成體幹細胞不涉及倫理問題，研究比較便利，然而其分化能力有限。雖然科學家曾成功改變成體幹細胞的分化方向，但總體而言，“跨專業發展”對成體幹細胞而言相當困難。

2007年11月，美國和日本科學家分別宣布獨立發現將普通皮膚細胞轉化為幹細胞的方法，這樣得到的幹細胞稱為誘導多功能幹細胞，又名iPS細胞。iPS細胞具有和胚胎幹細胞類似的功能，卻繞開了胚胎幹細胞研究一直面臨的倫理和法律等諸多障礙，因此在醫療領域的應用前景非常廣闊。

目前，國際上關于iPS細胞的研究可謂日新月異，是幹細胞研究的熱點領域之一。

 

這是另一場科學和道德的思想爭霸戰。我是讚同Obama今次做法，將政府資金支持胚胎幹細胞研究，你唔做研究但其他國家會從事研究，結果你咪落後o羅! 况且醫學史上多次的發明都令社會有所改變和進步。水能載舟亦能覆舟，只要把握適當，唔喺鬧出人命～產生“克隆人”那就是大眾受益!

其實今次Obama雖然簽署了行政命令，但亦要很多政府各部門法律的更改來配合，政策才能貫徹始終，唔喺一張行政命令就可以草草改變! 不過這已經是新的轉變，向前邁進的第一步！

 

我是絕對贊同胚胎幹細胞研究。起碼將來我的至親及好友生病時可以有藥可救，大家永遠常伴在一起。

陳志雲訪問鍾欣桐~ 阿 嬌全面復出

在港已經收到鍾欣桐接受志雲飯 局 訪 問，賣晒电視廣告，出晒雜誌造勢! 英皇集團PR真喺好嘢！連我回到美國前天開電視想 watch 吓News都可以因為呢位小姐而令Ｄ節目完全調動，播放志雲飯局同佢做嘅 訪 問~ 真喺風頭一時無兩！

好心你哋唔好咁表面啦！入得娛樂圈邊度仲有單純? 個個都喺一個模子啦！只是幕后黑手想張Ｄ女包裝成点啫！一早應知「戲子無情」，若然有小孩要早些教佢哋o黎一句至理名言！等佢哋咪成日追星和發明星夢! 若然有表演慾想入娛樂圈都可以心裡有个底！

事情只不過姐兒愛俏，遇人不淑吧了，冇乜大不了? 佢冇殺人放火，打家劫舍，藏毒走私!!!又一次証明~人是非常著重包裝和虛假外表！点解其他人咁無聊？佢無知啫，難道其他人都是無知咩？講吓咪算啦！走去玩針對、玩杯葛，跟住又玩諒解、玩同情！我是非常認同「不是入于口的，使人污穢；而是出于口的，才使人污穢」（(嗚嗚！令我毋得睇News!)

我早排買咗棵君子蘭，嘻，託福，仲未死啊，開哂花呢!

回港前:

回港后: (由於花向前傾生，所以要用竹筷承託)希望結到果啦！

 

 

我們的約會（五）

返到HK，唔知去邊好，離開咁耐，好多地方已經忘記亦有聽聞但唔知喺邊嘅新建築，於是在Hotel Lobby 拿咗本:

睇吓有冇地方想去，Girlfriend 同我選吓又問吓師兄，以下就是我呢位遊客指定地方﹕

志蓮淨院~她是世界上最大的仿唐木建筑群位于九龍鑽石山。在這繁嚣的城市，有着淨院祥和質樸的古建筑，實為都市人福氣。它是仿照唐代气派莊嚴的建筑，真是别树一幟的藝術風格。呢个唔係日式建築呀！日本仔是抄我哋Ｄ靚嘢就真！可恨我這么遲才知道這個靚景! 遲咗咁耐先識來遊覽！若早知咁正上次一定帶同煊煊一起去遊吓!

不過又好疑惑，點解有橋不能過，起碑稱「蓮池」卻沒有蓮，涼亭更不能用! 簡直荒謬絕倫，建座嘢只用來睇不准用，起个雅名就充優美。就好似一些人，見到外表靚就暈酡酡，不切實際一樣。對於我嚟位人窮志短嘅小女人來說，這真是一種負擔不起的唯美主義!

Next stop 油蔴地玉器市塲！我就買咗兩隻平嘢加埋都係五佰蚊樓下，用來襯吓衫。不過，唉! 玉器呢樣嘢係無价嘅，只要你話值幾多就幾多！買咗毋得后悔哦‥‧‧

 

HK嗰日又濕又悶侷，又唔可以去山頂，結果就去咗參觀中央圖書館扮吓有文化，我哋喺嗰度kill 咗兩个儿鈡頭！嘻! 之后又可以拱出去睇夜景; 由中環開始睇, 睇到搭埋天星小輪再遊尖東星光大道！ 

HK嘅夜景真是全世界最靚靚! 頂呱呱啊! 又是 一個Happy day!!!

 

 

我們的約會（四）

上年１１月跟東瀛遊去大馬，認識了儿个好好玩的團友，其中一對couple 就是來自澳門的Joseph and Maggie，當時我可是信誓旦旦離團后，在回美前一定會去探他們啊! 可惜我的諾言要到數月后才兌現。不過有心唔怕遲，Joseph & Maggie他們還是 一樣歡迎我呢！嘻嘻

從新圳搭公共汽車到珠海，再過關至澳門，車程$90RMB需時兩個半鈡。哇！我真是大鄉里出城，都唔知珠海鄰近澳門，珠海仲好鬼旺，治安又好似好過深圳，下次一定要約friends去珠海玩吓。

Joseph架車接我同 girlfriend去飲茶午飯，多謝啦！下次我嘅！哈哈哈！

又載我哋周圍遊覽澳門風光，成个澳門行晒啦! 仲買咗好味道嘅葡達呢!

嘻嘻！佢哋真唔話得，帶我哋遊咗半日澳門，真開心! 下次再揾你哋去第二度威呀！Joseph對作為一個澳門人是感到非常自豪的，雖然他沒有直接告訴我，但從他的言語間及對每一個建築物、地理的認識和歷史都清楚的告訴我，他是非常愛這遍五臟俱全的土地。而且亦積極參與很多社團活動呢! 喂! 下任特首你選邊個呀？要單聲我知喎，睇下你嘅眼光準唔準！毒唔毒!

我同girlfriend 在澳門氹仔吃完水蟹粥和肥鱔就乘船回到HK啦!

我又call第Ｎ个電話煩師兄，今次是叫佢兌現帶我行老廟。其實老廟現在都冇以前熱鬧，少咗好多locate人，多數係我呢Ｄ遊客，可觀性麻麻，Ｄ睇相攤位有成條街長，大多是搭羅牌‧‧‧‧no skill 啫，Ｄ西洋嘢真是簡單易學。連雀仔選牌都唔見啦! 真失望！榕樹頭下唱粵曲生意又冷清，比我小時候來看熱鬧的景況相差很遠。

不過大排擋就依然存在，仲有好多嘢食，在桌上食物我都鈡意食，除咗干炒牛河。師兄萬歲!!!! Yeah!!!!!!!!!!!!!!!!!!!!!!!!!!!!!!

 

 

18年前的今日

時间過得真快、轉眼就來美18年了! 想當年我們舉家移民，家裡變賣所有來到這陌生國家，每位親友都替我們高興~因為有第二個選擇和出路。

18年前今日最難忘的是過香港海關時被阻攔並請我將手提行李中的菜刀拿出來！哈哈，那時真是尷尬死人‧‧‧仲唔知放咗邊度，因為是母親幫我pack行李！所以當海關人員見我揾唔到杷菜刀，就質問我﹕「乜行李唔喺你執嘅咩？」我當時太嫩啦，唔識窒返佢呢！只是訕訕地說是母親替我執啊！真是令人難忘的移民記憶‧‧‧‧嘻嘻

當年母親將Ｄ手提行李塞到鬼咁多嘢，又重又大件，o羅到死死吓，我就同自己講移民一次好啦，一定唔會有下次！太太辛苦啦！

近來成日聽到個個講005，仲記起1991年匯豐控股未成立之前只值五個幾，是个超級大笨象！若是要計那真是大大大出血的離開! 所以你若問幾錢先啱入? 哈哈！大笑話一則! 無可奉告！

從不愛向後看，亦從不往后望的人(揸車除外)，因近來上FB和開始寫Blog總会想起一些以前的事情而令我思潮起伏，亂七八糟，有時真感到糟透透了! 有一段時間真是非常不慣呢，做工時會心不在焉，煊煊叫我唔好寫咁多，休息吓！可是我暫時不想放棄，又或者遲Ｄ啦！希望情況会轉好。而我亦感到今次回來后，心情已經平伏不少了！有時面對問題會是最最好解決方法。

今天本想偷懶唔返工，但望望日子才知道3月10號，就改變了主意。這日子雖然是一生中大轉捩點，但毋需要放假慶祝，只是換過嶄新環境繼續生活吧了！