廣東話 101與狂想曲

嘩! 師伯寄上一篇糾正讀正音的列表給Ms A，常以為自己廣東話還可以, 點知.........唉!

 

看看下面的列表, 有很多字平時都讀錯呢。你哋係咪識晒呀？

Ms A 睇完也有一些褐後狂想應否給師伯知道呢？

1)褫奪  (正音："始"奪，錯誤讀音："遞"奪)→會考放榜？
2)雕刻 (正音："刁"刻，錯誤讀音："挑"刻)→唔識欣賞
3)真諦 (正音：真"帝"，錯誤讀音：真"替")→何謂真諦？仲興咩？
4)骨骼 (正音：骨"格"，錯誤讀音：骨"落")→清奇？桃谷八仙？
5)栓塞 (正音："山"塞，錯誤讀音："全"塞)→自己思想？
6)遏止  (正音："壓"止，錯誤讀音："揭"止)→自己想＂毒啞个老細＂

7)迥異  (正音："炯"異，錯誤讀音："回"異)→心理醫生專用術語

8)模擬  (正音：模"以"，錯誤讀音：模"疑")→公投定考試？
9)陰霾  (正音：陰"埋"，錯誤讀音：陰"里")→近日常有的情緒

10)褻瀆  (正音："薛獨"，錯誤讀音："薛續")→神棍愛做的事

11)渲染  (正音："算"染，錯誤讀音："圈"染)→記者基本手則
12)漣漪  (正音：漣"依"，錯誤讀音：漣"椅")→陳百強金曲佢都讀錯？
 

13)緋聞  (正音："非"聞，錯誤讀音："匪"聞)→某些半紅不黑的名人最愛

14)偌大  (正音："夜/若"大，錯誤讀音："落"大)→驚迷途
15)褪色  (正音："吞「陰去聲」"色，錯誤讀音："退"色)→愛情？
16)涮羊肉   (正音："散/算"羊肉，錯誤讀音："刷"羊肉)→唔食羊肉唔學  

17)轉捩點 (正音：轉"列"點，錯誤讀音：轉"淚"點)→移民來美

18)跌打館 (正音："跌"打館，錯誤讀音："鐵"打館

)→最唔想去的地方
19)一幢大廈  (正音：一"臟"大廈，錯誤讀音：一"洞"大廈)→呢世都冇
20)勝任有餘  (正音："升"任有餘，錯誤讀音："姓"任有餘)→見工時常用

22)重蹈覆轍 (正音：重"度"覆轍，錯誤讀音：重"滔"覆轍)→最不想遇上
22)虛與委蛇 (正音：虛與"威移"，錯誤讀音：虛與"委蛇")→讚老細時会想
23)為虎作倀  (正音：為虎作"昌"，錯誤讀音：為虎作"長")→虎年唔啱用
24)汗流浹背  (正音：汗流"接"背，錯誤讀音：汗流"夾"背)→飲完盒仔茶
25)死不瞑目  (正音：死不"明"目，錯誤讀音：死不"銘"目)→一世都唔想
26)千里迢迢 (正音：千里"條條"，錯誤讀音：千里"紹紹")→回港真係.....
27)鍥而不捨 (正音："蝎"而不捨，錯誤讀音："洩"而不捨)→咪欠Ms A

28)衣錦還鄉 (正音："意"錦還鄉，錯誤讀音："依"錦還鄉)→有排挨呢！

29)同仇敵愾 (正音：同仇敵"概"，錯誤讀音：同仇敵"氣")→呢个最有Feel！前兩天買回來的金魚仔每天都是新舊派對砌，要Ms A成日抹地