若問在旅程中最喜愛的比利時城鎮是那？這一定是Brugge布魯日! Brugge是比利時著名的旅遊城市，亦是中世紀的古城
一早我們下了火車站便沿着路徑到達愛之湖，有美麗的湖泊，這座湖讓人沉浸在愛的氛圍中，據說亦有成羣的天鵝聚在此景點，可惜Ms A鵝毛也見不到一條
直行便抵鎮上的橋樑位置，終於可見零星的天鵝在此暢遊，也可以一望Brugge的街景
看到一對天鵝正在撿身邊的樹枝築巢喔~~
Brugge在比利時的西北部，被譽為是比利時最浪漫的城市，由於古城中水道交錯， 又有「小威尼斯」之稱。
De Halve Maan 是Brugge最負盛名的釀酒廠，不但可以品嘗到新鲜出爐的當地啤酒，也有釀酒方法示範参加“啤酒博物馆小旅行團”，但英語導遊要12:00才有啊！
手工蕾絲是Brugge特產, 聽說這是舊時的高級品, 細緻複雜！當地也有蕾絲博物館，但這些製作的過程，極可能讓人家墮入自卑情緒中
，所以Ms A只在鎮裏逛大街小巷的蕾丝店
至於誰家才是售真正傳統手工制作的蕾絲工藝呢？真是天知道
來到市政廣塲，是哥德式建築！哇！好正呀！
但廣塲前卻是正在擺放市集
雖然有小小殺風景，但也不能漠視現實肚皮的需要嘛！我立刻在這裡加上行街市的行程
有燒
腿，新鮮
不比荷蘭差的美麗鮮花
Basiliek Heiling Bloed 聖血禮拜堂~ 聽說有所謂基督的”聖血遺物(Heilig Bloed)”供奉著， 是在第二次十字軍東征的時候由法蘭德斯伯爵提耶立道札斯從君士坦丁堡帶回來的。 平常只有在星期五的時候才開放參觀， Ms A到訪時間不對，真是與基督緣慳一面lu
所謂的聖血遺物指的就是基督的血。 傳說在耶穌基督被釘在十字架上之後,，有人收集了他流出的血液和包裹的布。 當然流傳到後世也就成為至高無上的聖寶。 不論其的真實性， 是否真的是耶穌基督的血， 但這些總是很有話題性。
可能正如耶穌基督所說：信者得救吧
有人說來到比利時，就連空氣都是朱古力的味道。 是啊！若是來到Brugge真是連每個呼吸也是朱古力和甜甜的糖果味！而它們的手工朱古力更是一絕！什麼樣子都有, 走在路上三行二步就一間朱古力店， 造型極富創意，有些更非常誇張！淨看櫥窗的古古力裝飾也感到很可口~~~~
而比利時鬆餅waffle餅也是有名的，餅身較厚， 格子較大。至於口感 更是不用多說了，相信很多人都吃過。
Ms A叫了這個新鮮
這裡沒有一處地方不美，美麗的湖泊、古城鎮，歷史建築，亦可遊運河，更有快樂滋味的古古力、啤酒、 waffle。這些全是Ms A的最愛
讓人流連忘返，更希望可以再來一趟呢
P.S. 電影In Bruges ”殺手沒有假期"一戲中 殺手的老闆說: ”去Brugge布魯日渡個假吧, 那是歐洲最美的地方” 但是劇中的主角之一 Ray答: ”如果我是個智障鄉巴佬, 我應該會喜歡Brugge ， 但我不是， 所以我不喜歡”
原來Ms A真是。。。。
14 comments:
西方歷史建築材料是石屎...有點冰冷.....缺乏生命....
尖尖的頂---->會唔會俾雷劈中?
[版主回覆06/30/2010 09:57:00]除了石屎還有紅磚...我愛形狀好古典..似童話世界
尖尖的頂---->會唔會俾雷劈中? 哈哈哈！妳若冇心肝就千祈咪去呀！
鮮 忌亷 waffle,忌亷似好好味? 草莓甜嗎?
但"和夫"咁啡色嘅? 是否焙過頭呢?
[版主回覆06/30/2010 10:00:00]草莓清甜嫩肉比 好吃好多 我每天都去市集or supermarket買來吃 waffle係外皮小小燶外脆內軟嘛
Ms A 你就好,吃到人間美食. 很羨慕啊.
[版主回覆06/30/2010 10:02:00]唔駛羨慕！你咪又去玩又吃黑森林cake 我都很羨慕小飛啊.
朱古力朱古力朱古力!!!! 首歌好好聽呀~~~
[版主回覆06/30/2010 10:04:00]知妳一定L.O.V.E 朱古力
首歌一聽就好喜歡，是近日的新寵兒
去玩果然唔同晒！睇你張相幾活潑~成個後生晒，似十八歲！
鮮 忌亷 waffle加忌亷~睇見留晒口水
[版主回覆06/30/2010 10:09:00]十八歲！ 哈哈哈！好子同我一般会吹 話似28歲～瞓着都笑醒啦
鮮 忌亷 waffle加忌亷食咗真係滿足呀，但咪肥死囉
Ms A樣子好活潑
那些古古力公仔咁靚，似裝飾品多過用來食呢
[版主回覆06/30/2010 10:15:00]多謝真我
古古力公仔係好靚 ，有一間是古古力店老板見我係咁focus佢Ｄ公仔，好開心咁沾沾自喜呢！佢間店擺設係一條長長大大古古力中國龍呀！ 係藝術品咁！可惜當時个櫥窗非常反光，我影唔到啊
Ms A 第一張相很美 , 有很多的美食有否一盡品嚐 ...... .
[版主回覆06/30/2010 10:16:00]當然全殺吃吃吃啦 ....至於第一張相 除了我个傻瓜外一切也很美
那些聖血傳說，我諗係一間天主教堂？事關天主教比較多呢類傳說習俗，一時又聖母像流血，一時又唔知咩像行神跡。 手做朱古力可以保質幾耐？會唔會好快唔食得呢？睇見只係令我諗到肥死……
[版主回覆06/30/2010 09:55:00]我見啦~~你隻 好大呀 手做朱古力可以保質幾耐? 我不知...因為我个Ｄ係即買即食的
係天主教堂...唔記得加國邊度..好似有一間聖母院可以行神跡 令拐子可以回復正常人的... 應是 信者得救吧
我好怕呢d 血 拜 所以都係揾周公好Ｄ
我想我都一定都會喜歡 Brugge布魯日～！
Ms A 你轉左個背境好靚呀~~
字體的顏色又襯返，真系很好看～～！
而且，我覺得很適合你的Blog風格～
[版主回覆06/30/2010 18:28:00]若果你喜歡朱古力又愛美吃一定要探訪此國...
多謝Miss Fong 你的支持！
嘩，你去了多少天 ? 是否一日一城市 ? 如果唔係跟團，都好多籌備功夫喎
[版主回覆06/30/2010 18:26:00]我去咗8天，訪13个 城市
冇乜籌備，拿了兩本書見步行步咁囉 見哋Ｄ人慣啦
又話無鵝,咪有隻儍鵝係度囉~
[版主回覆07/02/2010 11:38:00]我係嫦娥呀！邊係儍鵝喎
咁我請妳食燒鵝囉~
好可愛呀~~~~
你好, 想問下你去brugge時係咩月份?我4月中去brugge住兩晚, 希望天氣都會咁好啦.
[版主回覆02/18/2011 09:55:00]Welcome to my blog 我係五月尾去的，4月中去天氣都幾好，但要戴帽和帶件厚Ｄ嘅衫啊
Post a Comment