若《聖經》是西方最為人所熟悉的福音書，那《通勝》應就是屬多我們中國人的Holy Book 吧？
《 通勝》正名應為《黃曆》，民間叫《通書》，因為書音「輸」故改名「勝」，是非常中國人的舉動。
當然，你可以說睇通書是迷信，但信則有，不信則無。而若果你當《通勝》是一本中國文化書藉來閱覽，觀感就會不同。
中國曆法有二十四個節氣，是有得計出黎，亦係好準確！
通勝內的幅圖象，有隻牛和男人，幅圖可以正正反映這一年雨量多少同多唔多颱風。我曾看過也感到好準確。對一些知識水平不高的農民非常有用
通勝中也有人物稱謂表一項，教你分辨家族成員間的專有稱號。 小兒受胎圖八月懷胎，嬰兒從胚胎長逐月成形的受胎圖，由此可見生子在家庭中，份屬大事。
內有很多中國民間習俗資料解釋，真是可以了解很多東西
若果無聊又可以計吓數，秤吓自己幾多斤両又有占卦、星相等資料，最創意是有英文學添
睇咗通勝選遲些才動土，可以與鄰居不傷和氣，通勝果然是一本好書
這是右鄰送的squash & zucchini ，好大個瓜呀
厚厚的《通勝》最大篇幅的當然是列出每天的吉凶，用紅黑顏色代表，所以唔識字都可以識睇，夠普級
比起西方睇經要揾專業人員更來得方便
而大家若認為舊曆呢Ｄ係老套過時，咁又有否深思若沿用陰曆作日常生活，会如何呢？舉个例: 大家知道，陽曆月份一般30或31天，而陰曆月份為29天或30天，所以我們每三年有一个閏月，五年再閏一個月，十九年有七個。
小數怕長計，若同租客簽租約一簽三年按陰曆收租，咁可多收一个月租金啊
除了中國人用陰曆(舊曆)外，其實猶太人，也是沿用陰曆的！他們的新年（ 陰曆七月初一） 、 贖罪節（陰曆七月初十）
廣東人話『唔可以一本通書睇到老』，通書年年唔同，當然唔可以年年睇住一本通書啦聽聞香港有一位叫蔡伯勵是每年修訂新通勝的; 真是高人也
P.S.若說最不需負上傳媒責任的，又不用負上法律責任又有一定高收視率的"醇"工是天文臺~~咁通勝呢Ｄ舊技術話佢唔可靠，亦是絕對要体諒
32 comments:
你真有商業頭腦... 其實當舖阿二叔公一早都知呢個法子, 佢地都係用農曆來計月既
[版主回覆08/17/2010 08:10:00]二叔公NNN年前已經沿用啦，只是未變更過啫
反而現代人未必個個會想到
二十四節氣我識霜降,因為阿媽會煲補品.
[版主回覆08/17/2010 08:15:00]阿媽會在霜降煲補品，是要提醒你冬至也要進貢些才繼續煲補品
Ms A: 打工仔應該提倡以陰曆的月尾出糧, 妳唔會反對卦?
[版主回覆08/17/2010 08:19:00]打工仔應該提倡以陰曆，廢咗班預測天文廢柴將d物資幫補吓Ｄ低收入窮人 ，每 三年派 多一粒糖
我細個果陣時睇過, 覺得本書好棧鬼, 咩都有~~
[版主回覆08/17/2010 08:21:00]段估你現在 熟悉本福音書多過通書啦~~~
我知道有這本書,
但未增詳細研究過佢既內容.
唔知佢入邊有乜.
[版主回覆08/17/2010 08:21:00]這個當然 ...本書又未拍成電影
婆婆,好大個的是什麼瓜呀.
點食法架.
[版主回覆08/17/2010 08:37:00]zucchini 是南瓜之一种，Ｄ意大利人很愛吃，好似我地吃節瓜咁。一般是用Ｄ意大利dressing醃味加d 橄欖油BBQ grill來吃
妳果袋野好似買個瓜搭條蔥......
[版主回覆08/17/2010 10:26:00]錯!!!! 成袋野都係FREE 鄰居送的...包括條蔥
婆婆, 請你飲西瓜汁來順順條氣.
[版主回覆08/17/2010 18:41:00]我見到个紅衫公仔就想丙...
若拍成電影, 搵你做神婆... ... ...
[版主回覆08/17/2010 18:57:00]神婆...是甚麼？Alt Del??
點解見到個紅衫公仔就有丙佢既衝動呀?
神婆在港曾攞過影后,都好紅架.
[版主回覆08/18/2010 09:23:00]紅衫綠豆面...好似隻頑皮馬騮唔捨得畀我西瓜汁咁 神婆羅蘭太好戲我冇咁叻...
通勝仲可以辟邪，細個時嬸嬸就掛著通勝那一頁符（我忘了她說是什麼符了...-.-），就打開到那一頁，然後掛在床邊，她說這樣就不會有鬼走近了
[版主回覆08/18/2010 09:25:00]係呀有幾個符架...差Ｄ忘了. .
但掛在床邊 =.="
太嚇人了
Ms A 估不到妳是一個好傳统的美國女子 ....... .
[版主回覆08/18/2010 09:26:00]我是一個好傳统的美藉中國女子
通勝咁好用, 看來都要留意吓先.
[版主回覆08/18/2010 09:27:00]好
通勝好有用架！當你要做重要嘅决定時 ~例如開市，結婚的日子，十五十六嘅時候，問佢就最好！準唔準是其次，睇了通勝會安心d，心中安慰才是最重要呢！
通勝最搞笑係教英文
[版主回覆08/18/2010 09:30:00]係呀睇完是安心又放心
我覺得教英文是與時俱進 有協助帶動全民教育普及作用，有好偉大情操
陽曆係以太陽為中心嚟計嘅 陰曆就用月球同地球嘅關係嚟計 梗係陰曆準D啦
[版主回覆08/18/2010 09:34:00]不論太陽定月球計...要準d出糧就好
原來婆婆你都識得影后羅蘭??
我仲以為你不懂邊個係神婆添.
[版主回覆08/19/2010 06:01:00]羅蘭..同我一般大為何不識得..=.=
當年見佢咁專業我先唔敢撈過界喳
Madam A,
通勝仲有心跳法，眼跳法......，要知有冇糧出，留意吓左眼跳或右眼跳
[版主回覆08/19/2010 05:59:00]通勝有心跳法??? 乜有唔跳法 「左眼跳財，右眼跳災」，但最有可能是眼睛太累吧。 有冇糧出，都係要老實開工
Hi~~~~~~~~~~~~晚安
[版主回覆08/19/2010 05:56:00](Empty)
無可否應,通勝是一本奇特的書,排除被應為迷信的部份,內容非常豐富,也合乎科學,連外國科學家都有研究通勝這本書,就節氣和天文,通勝就有準確的描述.
但我不看通勝的,因為不愛看吧.也不信內裏甚麼不宜或合宜.
[版主回覆08/19/2010 09:55:00]你看聖經的嘛，怎会看通勝喎
古時既人既智慧真係不可小看~~~~
[版主回覆08/19/2010 18:48:00]麥兜剛告訴我舅父Ｄ金牛牛去咗舅母到...紅的在舅父到
我想它的智慧也不可小看~~~~
為甚麼我就不能看通勝,我又不是要信通勝.
況且我根本未看過添!
[版主回覆08/19/2010 18:50:00]未看過 不是吧！你從未看過中國近代最有技術的神書
中國人你要檢討吓
妳篇七夕呢....
[版主回覆08/19/2010 18:51:00]飛咗啦...近日提不起精神
我直情想死~~~ 所以播住歌先~
[版主回覆08/19/2010 19:05:00]都好...我連歌都唔想播住...................
有甚麼希奇,就如我是潮州人,但不懂潮州語,老父從來都無教導喎!
[版主回覆08/20/2010 09:03:00]你是潮州怒漢？ 看不出bo....又是否心底裡是重男輕女呢？ 我知一定話冇啦
我沒有看過通勝，但也知道有「英文」學，很有趣的一本書！
[版主回覆08/20/2010 09:09:00]要看過通勝才知有冇趣的一本書
不過聽婆婆你講得本通勝咁有趣.
我都想睇吓.搵日睇吓先得.
婆婆你篇七夕不翼而飛?又會咁既?
是否不合規格被刪除了.
[版主回覆08/20/2010 09:08:00]你睇吓好得意架..点解咁多HK人未睇過嘅？樓下的小女孩也說沒有看過通勝....
婆婆何解近日提不起精神.
小心身體啊.
[版主回覆08/20/2010 09:07:00]係呀..冇乜心機 隻腳又未好番冇得做運動...快变 啦
婆婆早安.
特來向你問好.
[版主回覆08/20/2010 09:05:00]乖..口甜舌滑,,送罐糖給你
咩年代呀,重有重男輕女的觀念,MA妳一定睇錯我,又或者妳才有守舊觀念.
[版主回覆08/21/2010 11:39:00]守舊觀念....若我有小孩又可以選的話...真的想生男孩多些
現今年代做女孩太辛苦了
妳不過受自身性別影响,就說女性辛苦,但我身為男士,我夠認為男人辛苦囉~
[版主回覆08/22/2010 12:00:00]做人是辛苦..但我始終認為女性要生兒育女又要做家務又要外出拼搏又怕殘又怕老，驚找不到對象又怕老公變心，若嫁个大家庭又要處理家務事一點也不容易
男孩不是不辛苦，但天生是缺了一條筋嘛
通勝D 節氣真係準得好緊要
BTW 我最鐘意都係佢入面D 英文 - 通勝式發音
[版主回覆08/22/2010 12:01:00]通勝D擇日都準得好緊要... 不要忘記check 1 check先好成親呀..
偏執了!
其實我們大家都會因為自己的性別自覺辛苦,郤原來無論男或女,都不過是平凡人,同樣淪落天涯.
Post a Comment