世界博覽會的意義是對社會文明的智慧的一種記錄，探討新科技和生活的關係並對未來的前瞻。其次是透過一個大型的展覽，去顯示其國力。
中國希望通過這次國際盛會展示自己不斷增強的國際影響力。其實中國已經漸漸走進世界舞台中央。尤其在世界金融危機中，中國經濟發展的正面影響，是不容置喙的
近日看見新聞每天有大量遊客爭先恐後進入，其經濟效益更是不容置疑！尤以中國館更為受同胞擁護與歡迎，他們究竟是羊羣心理？一股愛國心？還是好奇未來中國的城市發展呢？也是令人疑惑
其實中國每年出國的人只有2800萬，比起13億人口來說真是少數，而且出國也只能走一兩個國家。但現在能在半年里能看到全世界一百七八十个國家的介紹，對中國人來說這個机遇也是太難得吧。
Ms A身邊亦有很多華人朋友將陸續湧到上海看世博會，包括親愛的母親！她即將在日內起行。問家母為何要看世博會？
她回答 : 噢，你阿姨同埋Ｘ阿姨Y阿姨也去，話好靚喎，我又跟住去玩囉‧‧‧‧
真令人哭笑不得的答案，不過母親有人相伴一起同遊，也是令人欣慰的事情
但再看看日日新鮮，日日新的報導，也不清楚母親能看出甚麼來
上一次世博是2008年西班牙的薩拉戈薩舉行主題是水和持續發展; 今年上海這次主題是城市，讓生活更美好
聯合國人類住區規劃署曾強調：“我們的城市必須成為人類能够過上有尊嚴的、健康、安全、幸福和充满希望的美满生活的地方”。
但城市生活卻面臨着一系列反方向挑戰：空間沖突、文化摩擦、資源短缺和環境污染。
上海世博以“和諧城市”的理念來回應此主題。
我國文化推崇人際之和、天人之和、身心之和。其實與西方的烏托邦理想不謀而合了。百多个國家参展館，大家有各自不同構思圍繞着是次主題，但最終是否会落實推行和充分利用资源來癸展理想中的烏托邦呢？真是天知曉！
上海世界博覽會完畢後，這一幢幢美輪美奐的建築物要繼續保養和維修嗎？還是將大部分建築拆除呢？這又是個未知吧？
P.S. 師父與眾師兄師姐也將會到上海一遊 ，問小師妹有興趣乎？答曰﹕未知
16 comments:
Ms A:
機票、住宿都好緊張! 小犬月中有 field trip去三峽, 回程就和幾個同學離隊! 佢係都要去朝聖? 有幸拜託親友, 打 n 個人情牌, 左撲右撲至搞定 D 乜飛、物飛及酒店? 倘若老人家去就要考腳骨力及頂得酷熱至好! 跟團住宿及交通可安排, 但入乜館、物館就要親身打蛇餅了! 至於自由行就......三思!
[版主回覆05/05/2010 19:12:00]詩兄GM
做你个仔真超Lucky！畀你錫到燶 不知道令公子在三峽會否題一首父親頌來讚揚你這位偉大父親呢？
母親是join HK團...做女兒的詳情不知，只知科水喳
本來阿女想去睇，諗住暑假去幾天，團費价錢都問好，但這幾天見到場面咁恐怖！而家都要諗諗！ 我地覺得唔夠大陸人掙囉！
其實睇見都幾心噏，原先諗住展現中國進步的一面，但就變左展視中國人無文化嘅一面！搶票、打尖、打交同周地垃圾，真係失禮死人
[版主回覆05/05/2010 19:07:00]其實我寫這篇blog時，亦寫了在追尋 讓生活更美好時; 首要是公民教育要做好才可以打好理想生活基礎...但我們豎起是一个禮義之邦...那不是自打嘴巴嗎？
我母親也是join團...詳情不清 但遲些再去吧...暑假仲会更多學生遊客呢
Ms A :
沒甚麼興頭 , 只有3D清明上河圖較吸引 .
[版主回覆05/05/2010 19:07:00]我在電視上也看到3D清明上河圖短暫略影，好吸引呀...但想深一層這不像是起大幅的卡通影片嗎？
午安Ms A
伯母大人的答案很正常啊,有伴就能成行,那管去那裡.
[版主回覆05/05/2010 19:14:00]係呀！她好貪玩架！weekend仲多節目過我 有時weekend求NY揾佢，佢都恕不奉陪呢 好事好事
過一排,無咁HIT先去啦,有半年咁耐......不過,世博要去睇睇.....我個人認為,如果時間經濟許可,我會去一看...... 不過plan左六月去宿霧一遊,返歸後睇下有無mood.....有無錢......有無時間.......
[版主回覆05/05/2010 19:18:00]Laba你可以去日本呀！你走轉上海經濟一定許可啦 ‧時間搭轉機上上海有幾耐喎 有無mood才對呀！
Ms A：
冇錯，沉睡的龍已醒來﹗又一顯示國力之作。。但我認為硬件確是一日千里，唯國家及國民之軟件郤配套不來，有排追﹗
又，亞靚仔有詩公子呢個老豆就真係好過中咗六合彩﹗見識多人面廣，有乜而郁萬事有佢張羅﹗正.......
[版主回覆05/05/2010 19:21:00]軟件配套若無決心可以弄上兩三代也不成，不是一朝一夕能徹頭徹尾改變的
我都話詩兄个住超幸福喲 這是此年代的HK小孩才擁有的.....
Agreed......anyway, it's just a part of Shanghai or CHINA general appearance!!! Hopefully it will getting better and better ^^
[版主回覆05/06/2010 09:00:00]Yeah~ At least needs to improve their behavior. in shame
上海這次的世博會 將會是西方國家權勢的式微 中國崛起的開端..........但是不管如何 合諧的城市 倒是人類應該追求的.............加油吧 !! 中國 !
[版主回覆05/06/2010 08:51:00]這次的世博會揭示了中國國民教育水準如何超水準!! 真係要起上好幾個加油站給他們加加油喲
我母親大人愛搓麻雀.
[版主回覆05/06/2010 08:48:00]我母親大人也愛搓麻雀
Ms A:
有道是 ` 家中孩子養不大 ’! 我付出都妄想有朝一日有的咁多多回報 ~~ 係自私而矣 !
但妳孝順娘親就係徹徹底底付出 ~~ 無私 ! 更值得尊重 ! 請 {
}
[版主回覆05/06/2010 08:47:00]嗄？係講笑丫 養孩子是賠本生意啦～
若 回報 關心和愛就要好好教，咪哦咁多 金錢與物質 回報 就親生子不如近身錢，留一點錢為自己安享實在得多。
我也不孝順，平時兩袖清口0架...不過是過時過節就裝模做樣模而矣！失禮失禮
逼餐死, 我真係完全冇興趣喎...
[版主回覆05/06/2010 08:40:00]唔出奇！我都冇興趣...个主題同國家一Ｄ都唔襯
去我度, 會見到我.....身影....
[版主回覆05/06/2010 08:39:00]嘻～勁喎！你好後生啦！都唔知邊個係老師
我沒什麼興趣的，一想到咁多人就會怕怕，再加上看完新聞見到同胞們的行為，真係唉完又唉...
Ms A，與妳一起分享，我也好想給妳做個蛋糕呢！
[版主回覆05/06/2010 09:55:00]
我也怕人多...來這裡久了..回到HK女人街都受不了..同胞是大鄉里出省嘛...都understand嘅
真我給我甚麽都喜歡的
掛住打字唔記得放低個蛋糕添...
[版主回覆05/06/2010 08:31:00]多謝壽星女的靚靚蛋糕！真係覺得自己好幸福啊！
我想寫的你都寫了，只是比我所想的更好
至於去唔去體驗一下世博 ..... No Thanks 啦， 我見到爭先恐後 ， 又迫又熱 ， 住宿又被人襟住黎搶 ，空氣質素又差，都係怕怕
[版主回覆05/06/2010 10:37:00]我其實是想寫: 比利時... 若有幸可以去成也可以 體驗一下 這個 為咗穩固佢自己國際地位 而 辦了最少三次 世博的國家...不過現在个volcano又出Ash Iceland& Irish機塲又closed...真係吹漲
上海對北京一樣... 空氣質素又差，上次去看雀巢...去五日咳足五日！好似染上肺癆咁！想起都怕怕
「上海世界博覽會完畢後，這一幢幢美輪美奐的建築物要繼續保養和維修嗎？」
從地產的角度去看，上海世界博覽會完畢後，浦東就是會生金蛋的地帶，屆時地價應該會升、升、升......
[版主回覆05/08/2010 07:29:00]浦東一早升到唔清唔楚啦！ 我有沒有告訴你家母是浦東人呢？
KL君對地產的初步認識真令人覺得很有做 物業管理的潛質
Post a Comment