上星期公司的老猶太會計師添了第一個孫子，很是高興並買了Donuts請我們作早餐
與他共事四年了也是第一次從他手中吃到東西喲。可見猶太人的知慳識儉吧
據他所說現今在醫院的新生嬰兒都會在他們的肚臍眼上裝上追縱牌，以防小孩被偷了！嬰兒直至離院才會解下追縱牌。我們則一致認為此法並不完善！
追縱牌應放在小孩身上至十八歲才妥當呀
由於近日美國多個州在新鮮沙律蔬菜中又再發現大腸桿菌，Ms A打算自種新鮮沙律蔬菜，可惜連日下大雨，培育盤患上水災而泡湯了
家門不幸，用了七載的剪草機終於不治弊命
幸好今天Sears百貸公司的一些剪草機大清貨，買了一部原价三百元，現減至$179+tax的新機，馬力和速度比舊的更好更快，除了心痛金錢損失外，此機可謂十全十美了
希望可以捱到咱們退休啦～阿們
這一束枯枝是新買回來的家居裝飾，很喜歡呢
某某由香港帶回來的儲蓄人民幣保障計劃.....
女人妳為什麼總是搞不清楚狀况和一意孤行呢？
如柴九所說﹕人生有幾多個十年？
年輕人的十年與妳是多麼的不同，不是不好而是不合適啊！
同佢講就只會說‧‧哦‧哦‧哦
每個人在自己人生階段中都會做着不同的事情，是否適合自己？
又是否做得恰到好處？
這真是天知曉
21 comments:
Ms A:
D 東甩有少少似和食喎?
又......個束枯枝是否在霍格華茲撻架? 咁似飛天掃帚唔見咗支柄咁款喎?
下一支係咪 Honesty ?
[版主回覆05/24/2010 19:35:00]若是在霍格華茲撻就應撻把火閃電啦
又Billy Joel ??? 唔好啦～我要欣賞中樂啦
Honesty 真係正正正，一定有機會
我諗唔駛講某某，就算自己有時諗下，我仲有幾多個十年呢？即刻覺得冇野值得咁執著。 支枯枝有乜功能？有味道嗎？點解有裝飾功能的？不如整盤仙人掌或者鐵樹咪仲冇少少綠化功能？ 一係種番盆怕羞草，等Bella有少少野玩下！
[版主回覆05/24/2010 19:40:00]唉～我是明白...但我真係好激氣架！一言難盡
支枯枝唯一功能是將我閒居真成茅屋，冇任何好處
仙人掌或者鐵樹or其他盆栽很多都帶有毒性不宜放置的...恐防Bella中毒啊
Ms A :
大抵某某自信眼光準運勢強 , 購甚麼也穩當吧 !
又 , 那些枯枝花了多少元 ? 菊主曾上山撿過一堆妁一呎長的松枝 (不是樹枝部份 , 軟而脆 , 不知應叫甚麼) 放進玻璃瓶作裝飾 , 不比街外買的遜色 .
[版主回覆05/24/2010 19:30:00]購甚麼也穩當 有很多╴投資也很穩當而且不會有如此低的回報 也是我不好，對她疏於教育
那些枯枝花我影了closeup，我愛上了那兩朵枯花才買下，也不貴....大概$30元左右吧
你檢的是滕枝嗎？我不會在街撿樹枝啦！在自己地盤中也常撿...怕怕
如果係男B就放終身.結婚嗰日由佢阿媽交俾佢老婆,唔使又拆又裝嘛.
[版主回覆05/24/2010 18:47:00]大部分美國人平均一生要搬11次家、換10 次以上的工作、结兩次婚。這証明了人在生活的各个方面都会做错决定。
交俾佢老婆不可行，男女雙方結了婚要信任對方嘛
船到橋頭自然直,到時妳自己都會知道點做
[版主回覆05/25/2010 06:09:00]嘻，我是一个有計劃的人...我的Plan 是由A-E咁多啦
Ms A：
前兩日睇個節目，那外籍男士便是在自己的花園摘時令蔬菜、香草佐膳，清脆的聽到菜的聲音，好新鮮，也希望妳種出滿園成果，努力呀﹗
又，以前我亞媽都係講極都唔聽，我都係好激氣，但後來我改變了自己的心態，與其佢講唔聽，講完一、兩次，我都冇再勞氣，為佢好花盡唇舌，結果都冇變，不如保持良好關係，唔聽就自己放下﹗
[版主回覆05/25/2010 07:22:00]Ms Don
多謝妳呀！ 但我理想中只是想老牛吃嫩菜(一棵种一兩片葉咁)來吃沙律啦，但日日下雨真係.... 但我花園有種香草，它們粗生Ｄ而且年年自動獻身
老人家係唔認老啦 ，我哋遲Ｄ可能好似佢哋一樣吧 其實我都一定要放下啦！只是睇到Ｄ資料忍不住在發牢騷，做吓娥姐囉 反正我知不論結果係掂我都会照住佢啦...
與他共事四年了也是第一次從他手中吃到東西喲。可見猶太人的知慳識儉吧!
簡直五體投地啦! 直情要封佢做偶像! 等我由今日開始 學吓他的優點先!
[版主回覆05/25/2010 06:11:00]世代 愈來愈聰明醒目 我話你是 孺子可教也
嘩！自種疏菜，真的要好大地方先做到呢！
我發現外國人好喜歡食Donuts，但我覺得好甜
[版主回覆05/25/2010 06:24:00]真我...Ms A理想中只是想老牛吃嫩菜(种一兩片一棵咁)，想种來吃沙律啦，不用太大地方呢 不過現在是不行了
外國人不是好喜歡食Donuts...而是上班一族喜歡好似我哋早上買个 仔包吃咁，貪方便..Donuts舖開到7-11咁，周圍都有..至於正式早餐(A餐B餐)要拜尾休息先去嘆
Donuts十分吸引,的的色色外形.相當討好
[版主回覆05/25/2010 07:14:00]嘻~~係呀..好似仲好肥添呢
人每每也要為自己選擇適合的東西, 有時也感覺疲倦...........所以有時寧可揀一個適合的人為自己作決定.........
[版主回覆05/25/2010 09:47:00]我命苦，關乎自己的都是由自己決定 可以衰在自己手上要賴就賴自己
他共事四年了也是第一次從他手中吃到東西，所以猶太人多數係有錢一族！
我都好希望自己有個花園仔，種吓香草、辣椒同蕃茄，煮食時即刻摘下來，幾新鮮呀~你就好啦有個咁靚花園！
咁阿某某有無買到？
[版主回覆05/25/2010 19:02:00]太人多數係有錢一族，但亦有好多窮的，但他們注視教育，民族對錢運用上好叻，所以生意可以愈來愈大...一代窮二代富啦！
妳住在市區係有錢人呀！有個花園有好多0野要做和打理的，你点得閒呀？小心要到六点先有得
某某無買我就唔駛在此哦哦啦
MO呢幾年開始驚老~ 冇人要
所以唔敢亂吃d唔太健康既嘢吃la
吃多d蔬果啦
[版主回覆05/26/2010 10:10:00]MoMo此言差矣！應好似我咁想: 我從未驚冇人要，只是在想我要不要 唔太健康既嘢一定令人变笨，我咁聰明一定唔吃，若想吃只是嘗吓鮮啫
我一天吃兩種生果，少吃肉多吃菜，大家死都要靚嘛
Ms A
你仲有幾耐就退休呢.
[版主回覆05/26/2010 10:04:00]点解咁問？
Ohhhhhh... the video so..... warm... 乜枯枝唔係執架咩??????
[版主回覆05/26/2010 10:04:00]英國一間出名的John Lewis百貸為了為母親節製作廣告片, 用此曲作背景音樂,剪輯技巧很好！述說一个女性的堅韌與溫馨...段片非常正啊，此廣告片, 全長90秒，據說花了１億美元拍的
追縱牌會否很易剪掉?
我覺得如果是偷B賊肯定可以輕易弄掉個牌啦~~~
[版主回覆05/26/2010 10:13:00]應該不易剪掉吧，但若是碰上專業偷B賊肯定係魔高一丈啦
我重複重複咁睇, 真係拍得好好, 思想一個女人既一生, 真係要好多 柔.... 同韌.... 何謂幸福女人的一生?
[版主回覆05/26/2010 10:38:00]我都係重複睇咗好多次...所以得出的結論是:
現今一個女人既一生点会咁容易？有時想做已太遲，有時亦時不與我
每個人在自己人生階段中都會做着不同的事情，是否適合自己？又是否做得恰到好處？
這真是天知曉
其實我諗唔係太難忍受, 好唔開心既, 冇話適唔適合既, 有時d野冇得自己控制, 安排, 凡事總有值得欣賞同喜悅既地方, 換左另一條路, 又是否真係好d? 順其自然, 樂於接受, 人會快樂d...... 掛~
人生, 總有些遺憾吧.....
[版主回覆05/26/2010 18:44:00]是啊............人生總有些遺憾
計算吓部剪草機能否幫你捱到退休嘛.
[版主回覆05/26/2010 18:31:00]嘻...我的鄰居部剪草機用咗二＋幾三＋年 我想明天中六合彩立即叫部剪草機退休
「Ms A 你比晒D 錢我！」「哦‧哦‧哦」
「係呢個戶口啦嘛？」「哦‧哦‧哦」
「咁我而家o係你戶口度正式過數落我度架啦！」「哦‧哦‧哦」
[版主回覆05/27/2010 11:18:00]KL..
你真係... 好吧過个Penny 給你～這是Ms A的全副身家啦！我仲附上一叠咭數過數落你度架啦！ 」
KL:「哦‧哦‧哦」
不要着眼於遺憾! 數算已有的幸福吧!!! 看! 我已比很多人好多了!!!
[版主回覆05/27/2010 11:12:00]係呀~~我也比很多人好多 多謝桃子
ＭＳＡ你好呀！ 原來有追踪牌，要追踪１８年才可找回ＢＢ？ 你剪機壞了，我家洗衣機也用了１０年又壞了，買了個新的，希望Ｄ電器唔好輪住壞， 而家最驚部電腦
[版主回覆06/07/2010 04:59:00]哈哈...不是呀..美國有很多missing children
美國青少年難教，常離家出走或被拐孩子的抱走了...所以若能有追踪牌就可以揾番仔女，不過常然冇啦..醫院才不會理
Post a Comment