上週分別做了平淡的白麵包與芝麻麵包，剛焗好的包包很鬆軟，看來也蠻不錯的。但不知怎麽樣隔了一兩天就變得很硬，如石頭一般
究竟那裏出錯了？
消滅糧食與作白老鼠的Tran Tran宣告喊停，並投訴自己活在壓迫之中！
我立下決心的要作個成功的蛋糕
這是最滿意的一次手製香蕉蛋糕
這種蛋糕真的很容易做 , 只要不攪拌過度 , 就可以做出鬆軟的口感 ~
材料 :
生核桃 100g 不用預熱烤箱直接用175度烤15分鐘 , 取出放涼壓碎備用
４隻熟透香蕉440g用大匙子壓碎
糖 200g
無鹽奶油 170g (隔水加熱至奶油溶化放涼)
全蛋2顆
鹽 2g
中筋麵粉 280g
泡打粉 7g (2.5tsp)
做法:
烤箱預熱170C/350F度 ~
用打蛋器把攪拌盆裡的香蕉+糖攪打至蓬鬆的泥 ~ 加入(奶油+蛋+鹽)混合均勻 ~
接著加入過篩的(麵粉+泡打粉)用打蛋器混合均勻 , 直到看不到麵粉, 即停止攪拌 ~
加入1/4的碎核桃至麵糊裡 ~
將麵糊倒到蛋糕模中, 約八分滿 ~
在表面灑上剩下的核桃,把裝有麵糊的蛋糕模在桌面輕敲一下,
把麵糊裡的空氣敲出, 放入烤箱 , 烤一個鐘 , 用竹籤試探不沾即可 ~
Tran Tran 吃完后頻頻點頭道﹕掂！比那些石頭好太多了！下次可以再做！
但前題是要非常小心保衛家中的熟香蕉，免得被某個大
偷吃了
近來常下着雨，看見Blog友小飛在文章中介紹袪除體內的濕氣方法，真是簡單，只需薏米和紅豆(赤小豆)這兩種東西，不需按什麼比例，每次一樣抓一把，洗乾淨後放在鍋裡加水熬，熬好後就是袪濕健脾的佳品 "薏米紅豆粥"
Ms A用來試做糖水，真的很好飲呢
而Ms A也作了另一款甜品是花旗參、蟲草花、木瓜、雪耳、南北杏、百合湯
當然作為廚房DIY也會有很多失敗作品，如燻蹄就是其中之一！
真是醜死怪，完全散件！
P.S. 這裡有新鮮的空氣，而香港有美味的食物。。。人生就是難於取捨。。。。
21 comments:
好像分屍咁~
[版主回覆05/12/2010 19:13:00](Empty)
這個很不錯啊！Ms.A 終於中咒~鍾意整野啦！
薏米和紅豆？ 去濕應該用赤小豆喎，兩樣唔同架！我昨晚才煲完當水飲，好有益呢！
[版主回覆05/12/2010 19:08:00]我有整嘢，只是少寫，否則在 餓死咗好耐 一星期煮三、四天了每次煮至少三碟餸來帶反
西餅這裡很方便所以主攻中菜囉，在這裡自己地方的餸菜才叫罕有嘛
係赤小豆啦 我攪爛咗，變成這樣
赤小豆在國語叫紅豆
請給我多一點空氣 MO最近忙死煩死了...都沒胃口吃東西
[版主回覆05/12/2010 19:11:00]吃多些補品有益呀！咪太勤力揾錢要適當休息
享美食~ 人生樂事~
[版主回覆05/12/2010 19:10:00]人生樂事是分享生命中樂趣
Ms A:
妳真係入錯行呀 ! 如果 …… 時光可以倒流既話 ! 妳真係可以做唐人街女廚神 , 唔需要做呢份咁既摩登大耳 loan 矣 !
[版主回覆05/13/2010 02:34:00]我若轉行做厨房一定会餓死街頭 這是近二十年才慢慢每樣學來，做 大耳 loan 只有生白髮但可以穿三吋高踭鞋、著裙仔，扮吓靚靚，工作五天不知幾好
打 唐人街工，Ｄ人又蠻，時間又長兼刻薄！才不要做粗對手呢！
再話你知，這些菜全是嫁妝菜，親弟弟也未曾嚐過 若無party要一人帶一餸菜，我才不煮給人家吃
賣相唔錯!
可以攞去賣啦!
[版主回覆05/13/2010 06:21:00]攞去賣？你講笑咩！blog站中大把能人呀
P.S. 世代還記得你留的在我這裡第一個留言嗎？是 好老公的十二屬性 ...我和你做blog友不是一兩天之事，大家年齡相當‧亦應諳世故，我待人以誠亦直接，別人不清楚，但你一定知道！在這裡每個blog友亦應感覺到
最近蜜運行得如何？
嘿嘿～很多事情我是估到，但從來是三緘其口....我雖瘋卻不傻！上次你避而不答，不久JC便不辭而別，實令人齒冷和不快，何解？不知你在內裡擔當了甚麼角色呢？若你不能坦誠告之，大家就在此絕交吧....無謂浪費時間！
有煮嘢食都係一件開心事...........
[版主回覆05/13/2010 02:18:00]哈，有得食都係一件開心事...........
個燻蹄會唔會因為仲未雪夠時間？雪耐點再切會冇咁易散呢
[版主回覆05/13/2010 02:18:00]個燻蹄究竟是放在急凍櫃定雪櫃？我放在雪櫃4天啦
薏米加紅豆 我又試下先
[版主回覆05/13/2010 02:16:00]即係赤小豆啦，試完要告訴人家味道和功效如何啊
我話碟燻蹄似你食淨的呀.
你食哂裡邊的肉,淨番D皮.
你自創的糖水好吸引.
[版主回覆05/13/2010 02:15:00]你就是好想像力，一隻豬手有幾多肉呀？笨飛
Ms A
紅豆就是紅豆, 不等於赤小豆啊.
該是兩種豆來的.
[版主回覆05/12/2010 23:25:00]I know ar~~~ But it is 赤小豆= Red beans in chinese writing too.
赤小豆的豆身比紅豆長且瘦.
[版主回覆05/12/2010 23:22:00]Dear 小飛
you said 赤小豆~~ do some research and you would know 赤小豆also called red bean la~
我也混淆了....
[版主回覆05/12/2010 23:42:00]Don't confuse! it is 薏米和(紅豆=赤小豆)soup! 好子 is correct!
若想煲,那該講時買紅豆還是赤小豆.
因為兩種都有得買.
還有,我有blog友問,煲好後可否加糖,
你有加嗎?是否唔加都已經有甜,好好味?
[版主回覆05/13/2010 01:24:00]
傻飛，
it is 薏米和赤小豆 sweet soup 加little bite orange skin and Chinese Yellow Rock Sugar ar 好味? is Ok la!
兩地考慮的都只是客觀東西，係咪應該諗下邊一面有較多親朋好友呢？
[版主回覆05/13/2010 09:03:00]其實這裡住下來也有一些朋友，但我生性孤僻又太老實，嗜好是安坐家中看書，所以朋友也不多，回到香港同學與朋友(blog友們)己有自己所屬社交圈，很難常來往吧...
而且香港人，愛比較，人的質素亦較參差，我很多事情忘了，但亦記起了這一句→「講就天下無敵、做就無能為力」 ，我个人一句就一句，不能接受人的吹噓
HK有很多消遣多但消費更多，一切較方便
美國居住環境好，但出入交通麻煩 更要看醫療保險，年歲大看醫生仲多過看仔女！醫療是非常重要的，尤其我們分分鐘死咗冇人知！我們的醫保為65歲就靠阿公，但香港呢？
人生就是難於取捨。。。。
我以前都有部麵包機，剛出爐麵包又香又好味，但過一兩天就很硬，因為我們的產品沒有 ……………. 添加劑、防腐劑，所以要食趁新鮮 !!
[版主回覆05/13/2010 09:56:00]oic...原來唔係我Ｄ包包出問題 ..咁易辦..I put in the Zip bag
香港醫療的確「擇駛」少少，其他問題反而問題不大，等到妳退休回港，有好多blog友都已經冇野做坐晒係度，肯定得閒同妳吹水。 我諗到左咁上下仲有乜好比較？可能會有人晒命話今個母親節有幾多仔女同佢飲茶之類卦？咁黑人憎咪唔好搵佢囉。
[版主回覆05/13/2010 10:42:00]退休回港.... 真係好期待
母親節搵人哋飲茶; 人哋先唔睬我哋喇
其實个醫療係非常重要,,,,,唔知瘋小姐係乜專科，佢一定未退休吧 到時真係要靠佢呢
Ms A :
菊主以為自己摸錯了門口 , 去了真假小姐的香閨 !
這裡由<同事三分親> 變了<美女廚房> ......
[版主回覆05/13/2010 10:33:00]嘻，好子話要睇下Ｄ生活blog...我咪寫吓囉..我生活是工作、看書、吃和睡
最近又買咗个包包機所以多咗个廚房實驗室file囉 並非美女廚房，是 中女廚房 也
我是放在雪櫃而已，不是急凍那一格，我放一晚再拿去切的，若切時散開，也可能是扎得唔夠緊呢．
[版主回覆05/13/2010 18:21:00]係啦，應該扎得唔夠緊‧‧‧‧下次再扎實D‧但个汁好正啊
又黎麵包!?
上星期那一打還未吃完喎.....
[版主回覆05/14/2010 02:00:00]我還買了麵包機想你每個星期有新鮮包包吃
我做過燻蹄都無散晒, 你下次扎實D, 應該唔會咁散, 我而家都係用麵包機做麵包和中式包包, 不過多數係用黎打麵團, 然後自己做型, 做出黎都唔錯, 就算用機焗包, 第二日都唔會好硬.
[版主回覆07/03/2010 11:32:00]我剛才來妳家才知要麵種才會冇咁硬
多謝Helen指導，我下次再扎實D, 不過最近雪櫃爆棚...要清理吓才可以入貸
Post a Comment