在一本散文書中一再看到這個千古問題～～
女人問男人﹕「要是我跟你媽媽掉進海裏，妳首先救誰？救我過是救她？」
這好樣是一個沉重的問題
我才不要這樣！
Ms A 從不問，也不能問男人。
因為我會游泳
Ms A絕對不是女飛魚，泳術普通得很，但有一怪癖﹕別人愛到海中暢泳，我卻獨愛泡在游泳池中游水、潛水。在泳池中萬一有甚麼事情也很容易解決。
可能是缺乏安全感和自信吧。。。。。但更認為自己是一個小心、謹慎的人
然而即使不會游泳，也不會問男人這個無聊的問題。
因為我跟他的媽媽同時掉進海裡的機會率是微乎其微
在Ms A 的價值觀中，總認為一個好男人，一個有情有義的男女，無論如何，也應該救自己的母親！
別救我，也不要你用餘生想念我！若可能就代我好好照顧家母吧
13 comments:
還一條千古難題~當父母離婚, 問個小朋友~你跟阿爸定阿媽?
[版主回覆05/10/2010 09:50:00]Ants這不是難題~是沒得選擇的整蠱題 千万不要問你的孩子喲
我以前學過拯溺, 一個救兩個, 問題不大! 方法係抓住二人的頭髮, 拖埋岸. 但係以家母的性格, 事後佢一定話我抓得佢頭皮好痛, 可能以後會脫髮秃頭... 勞勞叼叼, 令我比死更難受. 老婆就唔知, 因為到現在都冇, 以後應該都唔會有, 無論佢係點性格, 總之結局唔會完美... 呢個亦係老作呢條問題既人既原意 所以呢個問題, 我會哲學地想~~~ 無論採取那一個方案, 事後我都係痛苦, 所以最好乜都唔做, 慳返啖氣
[版主回覆05/10/2010 10:20:00]你學過拯溺,又怕遇溺 所以遠離加國; 仲冇老婆 好似好聰明，但世事又点会完美？
人從不同年歲不同遭遇有不盡相同答案‥‧‥
我不同你...我不會痛苦...反而只想死得痛快些和 漂亮些
Ms A:
假如我係阿爺嘅幹部大爺, 我會問:「個女人係乜水先? 老婆? 二、三奶? 女波士? 」
如果係前者......我會叫佢等上路啦! 問埋呢題勁無聊嘅廢話!
倘若是後者......@@ 係咁先啦, 等我救完娘親同佢去 T 下遏驚! 再去揾老四、老五! yeah! 我又可以再做狗公了!
女波士?......就要快快趣同佢留定個紙皮箱, 等我執起晒佢 D 遺物! @@ 我上位了!
[版主回覆05/10/2010 18:40:00]哈哈～確是實際
所以人千祈咪旨意人救你，最好自己有能力
至於 二、三奶甚麼?自己唔死都會有腳去揾啦 反之，娘親只得一个，物以罕為貴，一定要救....
如果要問呢條問題前，問問自己想要乜野答案先？
男人話兩個都唔救~呢個男人咪絕情又自私！
男人話救你唔救阿媽~呢個男人咁不孝！而且老人家有乜〝冬瓜豆腐〞你就內疚一世！
男人話救阿媽唔救你~你實覺得呢個男人唔愛自己！
咁仲問黎做乜？
[版主回覆05/10/2010 18:40:00]一定唔問...講真若事情真的發生，我令願佢哋不要內疚，有憒憾就可以了..對我母親好些就是對我好...等於每個人也有大限，不用掛心 人入土就歸塵土。不用想念 生人的人生要繼續，反之對配偶的父母兒女好些就已經很不錯，很念舊啦。
Ms A
一個聰明又愛自己男人的女人 ，一定唔會問啲答乜都令人唔開心的問題﹗再者，假設性的問題，答到天花龍鳯都冇用﹗
[版主回覆05/10/2010 19:01:00]係呀～我話呢現今年代Ｄ女子好強好獨立，卻不應變蠢問呢个問題 思想要wideＤ大方Ｄ..反之同佢講若自己有乜冬瓜豆腐，看着自己臉上看顧自己父母，善待大家子女就可以了
我告訴她我會救媽媽,
叫她好去學好泳術.
必要時幫埋手.
[版主回覆05/10/2010 22:00:00]飛鳥 Can you swim???
我會諗，倒轉如果對方問我同一個問題我又會點答？
所以...我一定不會問！因為不會有答案...
因為說啥也沒用，答案只會在真正發生事的一刻，才會知道自己會怎做.
[版主回覆05/11/2010 06:11:00]真我早安
是啊！答案只會在真正發生事的一刻，才會知道
但妳不用擔心，樓上小飛話会救妳
會的,不過未試過救人.
或者會救......真我.
[版主回覆05/11/2010 06:12:00]未試過救 人 ? 卻會救......真我？咁即係......
大多數女人鍾意聽謊話嘛 Ms A就鬼妹性格~面對現實 講真就邊個有事都唔好啦
[版主回覆05/11/2010 06:15:00]來到異鄉不論到你唔面對現實呀！
人嗎？始終会有那一天，点話得埋
讚成!!!!
[版主回覆05/11/2010 11:18:00](Empty)
可惜這世上能擁有MS A 同 lv 智慧的女人實在太少了~~~ @@
[版主回覆05/12/2010 10:35:00]智慧的女人有很多啦 只是辛尼還不清楚～女皇密令吧了
Ms A ：
我若為“痲甩”就會先救老媽，因為這是生身之母，要是老婆因此而被溺斃，那我每年春秋二祭必不會忘，待我老媽百年之後，我再到那位紅顏的墓前自裁，死了再來個“同穴而居”。
清揚： 2010/5/11
[版主回覆05/12/2010 10:48:00]瘋小姐，多謝來訪
人生雖然如夢，但也有幾＋年要過，時間亦是最好金蒼葯 正所謂Out of sight, out of mind老媽百年之后，可能那個佬已經四仔全齊，要他在 那位已故紅顏的墓前自裁，那豈不令死人折福乎？生者才是最痛的人，如妳所言﹕吃只能半飽、穿只穿破爛，就由他在苦海中浮沉吧
yes, this is a difficult question.
如果男友問番我轉頭，我會答救我老豆，然後救佢，因為後生 D 應該可以捱耐 D ，如果捱唔住都係你太潺弱，應該多鍛練 !
[版主回覆05/13/2010 09:48:00]如果問題是老豆同老公...
我会答老公，因為老公可能会養我，老豆就從未養過！而且老豆以前行船識游水
Post a Comment