小時候愛看書，在嚴寒的夜冬中擁着棉被，讀心醉的小說一回兩回三回，久久不肯入睡....
曾經夢想，夢想有一天做一個作家，寫一本小說 
亦真的曾拿起稿紙，嘗試寫一些東西，
但不滿三百字就決定棄保潛逃
因為Ms A扮演不來故事裏的主角，另一种人生
那真是NN年前的陳年往事啦
但一直深信一個好的寫作家一定是性格分裂的！很會扮演小說中的故事角色，否則怎會寫出情節動人令讀者引起共鳴的優秀小說呢？
一个成功作家所創作的故事，就彷似另一种人生﹔就像公仔箱中的戲子，在每一齣劇集、每一套電影中扮演着另一種人生與另一個生命～不！他一定比戲子還棒上很多！因為書本永遠比劇集好看很多很多。
自離開生長地，年歲與年資的成長，異地文化與舊教育的差異真帶來不少無形沖擊與改變，
對世事開始產生另一套新想法與思維，
現實生活中已隨環境、人事而作出不同處事方法的精神分裂者。。。
有時候，我是個算死草，但也愛花錢。
有時候，我很有紀律，但也愛開快車。
有時候，我很有毅力和決心，但其實每天都想着偷懶和得過且過。
有時候，我很長情，但更多時候可以是寡情。
有時候，我像說英語，但更多時候覺得像說粵英語
最悲慘的是感到自己常在喃喃自語
真實的我，已是一個性格分裂者，若真是當上寫作的一定会繼續分裂下去
直到一天精神病爆發…
現在寫blog則已是一個間歇性的........精神病患
所以我佩服，佩服一些blog友寫小說，請努力下去吧
Ms A仍是支持小說家的勇者不懼
14 comments:
Ms A :
菊主寫作小說寫得最兇狠時 , 是97~99年 , 長篇故事 , 幾乎天天寫 ,損友的追看就是寫作的動力 .
不覺就寫了十餘萬字 (上集) , 還將峙影印存底 , 原稿寄回給自己 .下集只寫5分1便停了筆 , 自此沒再創作 .
短篇的 , 也寫過 , 但總覺得不及長篇那樣過癮 .
[版主回覆05/11/2010 10:12:00]下集只寫5分1???為何呢？真是未完成小說喎
菊主 保管的珍惜態度我完全可以明白！自己文章是心血﹔才是無价宝 長篇那樣過癮???哇！你食咗葯未呀？
妳今天食咗藥未呀?
小時候也頗像妳般,常想寫點甚麼,心中想幻想種種事情,某個虛構人物.
直至在教會中生活,做了戱劇組負責人,算是還了點點心願.
[版主回覆05/11/2010 10:08:00]食咗藥啦！兩粒打孖上呢
哇！原來你返教會有咁多着數攞 神還了你點點心願、都算對你唔錯啦！
多重性格分裂症.....MO 時時發生 問你驚未
[版主回覆05/11/2010 10:05:00]物以類聚，未多驚過 論資深妳都未夠我來呢
Ms A:
係呀! 我一揸支筆就人格分裂, 所以我寫作的地方是 ~~ 瘋人院!
有三兩年最狼死試過「自謔睇書狂」, 乜類型都睇(言情、及愛情除外)一年啃佢成千萬字? 囫圇吞棗式, 當時睇完唔太記得, 但十年八載後遇上看過該書的人傾談, 又會如數家珍咁噏得番出來, 真離奇矣!
[版主回覆05/11/2010 10:31:00]瘋人院院長早安！
唉！我也服了！囫圇吞棗式後才寫書，難怪可以寫得出這麽可怖的文言文
我最近看緊盜墓筆記 作者： 南派三叔好似只得二十幾歲 真係令人拜服 又同一時間看蘭陵笑笑生的奇書 每樣睇到一半，真係頭都暈...還有看一些散文書作調劑 又要寫blog又要運動‥‥真係鬼咁忙....看電视、報紙都唔得閒
見到菊主同詩兄言談甚歡的說寫作，我也來湊合湊合，騙篇blog文寫吓
係得呢度傾計既都係神經架啦~~~~~
[版主回覆05/11/2010 11:21:00]有冇搞錯呀？！總有一些正常人吧
讀書時都有諗過寫作，但係好快發現自己讀得書少，根本就詞彙貧乏到嚇人，所以決定爬格子的生活唔啱我。 都係偶然畫幾個鬼畫符公仔當創作左算。
[版主回覆05/11/2010 11:43:00]五兄真是說到我心裡去 詞彙貧乏才是致命！你会畫公仔，畫到可以靠佢揾食真令人羨慕 而我～寫作寫完發覺詞不達意 欠缺靈魂，而且連公仔也不懂得畫！ 根本上就是個平庸，欠缺創作天份的愛做夢女孩
而唯一籍得安慰的是: 有自知之明...從此歸依周公，做个虔誠信徒囉
No啦！好明顯我的鬼畫符並不入流，所以一直令自己陷於赤貧階段。 小姐睇的書都叫可以提高文化修養，唔似我睇埋d「投資入門」「閃光燈應用」「增加記憶力」「英文生字100個」之類，全部都對人生修養毫無寸進，但又冇增加任何技能，真浪費時間。
[版主回覆05/11/2010 18:47:00]陷於赤貧階段???又扮嘢呢 我唔問你借呀
你睇Ｄ好實用啦，非常務實 我睇緊金瓶梅呀 有乜提高文化修養???死ｃ人囉
我小學個時既願望都係做1戈作家.亦都試過寫過少少.
但到最後都係放棄左...因為自己創意不足.詞彙貧乏得可以...
不過得閒都係會寫幾戈開頭之後就唔記得左lu haha
所以我好佩服個D作家 寫出黎既小說全部都咁好睇B-)
[版主回覆05/11/2010 18:51:00]歡迎來訪
係啦！好佩服作家們的創作力 我連開頭都唔知從何不手... 失敗
有時間看看我的短篇小說啦 , 有些都未埋尾呢~~~
[版主回覆05/11/2010 18:44:00]太監文學我不看啊～等妳埋尾先啦
有時候，我以為自己在說英語，但老外都以為我在說外星語 ~~~ haha
[版主回覆05/12/2010 10:52:00]你此言差矣！在自己地頭 老外他們才是在說外星語的人
我也很佩服小說家，可以寫那麼多字，有時看到一些好看的小說，會好想追看下去的，我在想，小說家的故事中的主角，是不是或多或少都有自己的影子.
其實用文字去創造一個人物出來，再投入角色去飾演另一個自己也不錯呀！
[版主回覆05/12/2010 10:56:00]投入角色去飾演另一個自己是不錯 但是若書中人物太多，要小說家每個都投入一番也不簡單吧
自問自己是一个平凡人，只能做平凡事...還是做好自己好些
好多劇集電影都改編自小說.
但總沒一套能好得過小說的.
因小說其實是我們自己幻想出來的.
[版主回覆05/12/2010 10:58:00]umhh...自己幻想出來是非常正確！
但作家都要佈好个局叫人╴投入幻想吧？
我也曾經幻想能是個作家...但只是幻想而已！
[版主回覆05/12/2010 10:59:00]早安白雲姐姐
兒時的幻想個個都会有，而女孩子就尤其多
我細個時好鍾意睇小說，如喜歡嘅......一本小說可以睇好多次！
也想過寫小說，不過一開個頭之後..........原來咁難嘅，同你一樣逃！
[版主回覆05/12/2010 19:27:00]哈哈！好子也和我一般是逃跑專家
我以前也是...很多書可以一睇再睇
現在不會了...不知為什麼？
Post a Comment