何時裁完了？

一早返到公司，歎一杯coffee開始工作。Month end加上同事們又患病請假 (佢哋請假仲好！免傳染)真是忙忙碌碌

Erika回到Office不久就被老細傳召入房，出來后她對我笑說可以回家長休啦！忽聞Erika收大信封，真令人嚇一跳！這次無聲無色裁員完全和上一次大鑼大鼓的作風完全唔同，而且事隔僅僅三个月‧‧‧‧我同 Erika最friend，成日在公司無聊時吹吹水、一齊買零食，可惜她是part-time啊，一星期只返三天﹔公司有乜風吹草動就炒佢先! 其實好幾年前請她入職是Full-time的，但她放棄而選擇兼職。Erike的志願是傳道，每星期有儿天是去拍門傳教。係咪邪教？哈！我不知道喔！但她真是真是一个好好伙伴。

今次殺到埋身，有兩个是我section呢。另一個是臭臭姆姆，炒佢我好開心，誰願每天與有乞丐般體臭的人為伍呢？她有糖尿病，經常失禁，成人尿片又唔更換兼噴大量亷价香水遮體臭，但這只有臭上加臭呀，所有同事都討厭她！佢有個花名叫Chanel No.2。我們每天只有開大中央冷氣和三大部清新机和一部風扇過日子！不論晴天‧雨天‧夏、雪天！嘿嘿，我都好好忍耐力，忍咗佢三年只投訴過三次而矣。(夏天最難頂)

我記得有一次出街吃飽lunch返Office，經過佢个位聞到佢Ｄ特別香氣后，个肚就開始痛兼疴同嘔。以前一些新進同事每天都投訴呀！但老細又太好人，數說一輪send佢回家幾次，都唔会炒佢但工作環境仍是一般臭氣熏天！今次炒佢魷魚真係一天都光曬! 我估一定是上次Diversity Training，她冇淨身洗屁股，令成個department丟臉，新老頂一怒之下就送一碟無情雞過佢嘆吓！

同人講都唔信，我每天返工就好似到垃圾場返工一樣！所以每份工都有壓力和不開心只是看你如何handle啫！其實臭姆姆好有錢，聽聞佢有兩間屋收租，所以生活無憂、只是太cheap同污糟邋遢，仲係白人呢！所以這個世上乜人都有﹕黑唔等於污穢，白不一定乾淨!

另一位是秘書兼接待員，她是非常和善有禮的，可惜亦逃不過厄運。

美國經濟一日未有起色，裁員会持續下去，我身邊已有很多朋友失業和待業所以有工做是一件幸事啦!

唉‧今早要去買Bagels返工‧這份差事本是秘書做的 (逢星期五，公司請吃早餐)

現在暫時兼住先啦！我諗仲有好多嘢跟住要兼顧埋啦!