在FB中小東講溝通技巧係好好好緊要，但可惜學校冇得教。又話正确理財技巧同样好緊要，同样學校都冇得教。一定要教曉小朋友呢兩样嘢，等佢地入社會走少冤枉路少撞板。
這令我回想以前一Ｄ想法，小時候自己思想好簡單，母親亦冇乜同我們溝通和教我們做人處世道理，乜都係自己在身邊Ｄ朋友和同事中邊聽邊學。
可能自己家庭人口簡單，常渴望自己擁有個大家庭，可以熱鬧Ｄ。而且又是女孩子，當然有少女夢想，小時候就有計劃 ：我要二十五歲結婚; 二十八歲生孩子; 還要生三个，三十歲就完成並在家中相夫教子，幸福的生活下去。
但出去社会做事后，第一件事就告訴我﹕這社會是公一份婆一份的，冇人会養妳~
移民來美，人生的新一頁，一切又要再重頭開始.......轉眼匆匆快到二十年，回顧以往.....哈！想法真是童話得很！
今日又在FB中同小東吹水....講起8月令人諗起什麽？我又是死性不改地諗起以前睇過的書~岑海倫~八月櫻桃....初中看過的一本愛情小說。
反而佢諗起讀書時候，每年八月都做暑期工。冇得去暑期活動。很羡慕其他人，得到乜？錢係好難揾，一分一毫都有汗水，要用得其所。
原來佢嘅回憶是以辛苦和錢作為記號，而我則是書和夢想 
佢講我又再回憶起一些久諱的往事~我好細時串過珠仔. 排過錶鏈、去過衣廠剪線、点鈕扣。在F.3時八月做暑期工去玩具廠包裝、F4 and F5 weekend在Toys R Us打工揾零用錢！原來大家一般辛苦~錢係咪好難揾？嘿！大家都知~ 但我很笨，從不羡慕其他人，因為羡慕是不能幫我解決問題，不能改變現狀。
哈！我的童年回憶終於返晒嚟
No comments:
Post a Comment