生活‧八卦 （一）

我同事們清一色女性佔差不多95%‧全是美國土生，他們雖然祖藉各有不同，但亦以白人居多。亞裔的只有我一個，同她們相處日久自己思想變得更洋化，不過始終唐人自小受思想教育亦根深蒂固，所以很多東西仍有所保留。

其實不論行去邊度，Ｄ女人堆講埋話題都係一樣。如﹕邊度有特价﹔週末做咗乜計劃做乜﹔你件衫好靚邊度買﹔Ｄ仔女發生乜事等等。只是美國人處事的手法、眼光和態度標準略有不同。有時聽落又儿荒謬但諗深一層又有其道理的，令我的人生態度有更多選擇，是一件幸事。

又由於納稅重，只要老實交足稅又夠長命，一般退休的保障会好過香港。可惜美國已經成為窮光蛋一名，將來要攞佢Ｄ全額退休金就分分鐘等到70歲先有份！真是悲不可抑呀！

亦因為有退休金攞，現今美國人唔駛養父母～非常幸福o架！我Ｄ同事個個都係自己顧自己，父母只是過大節或有空時才回家探望吓。而他們亦唔興湊孫，兒女要生細路，你自己諗掂佢，父母養大仔女后自己又過自己渴求的生活，對他們來說責任已經完畢。父母得閒時会探望兒女孫兒，但唔会介入子女教育下一代的責任。

有時聽佢哋講仔女經又幾開心也有辛酸不好一面ｏ但他們都好樂觀處理問題，字典中從來唔会有閉翳又或者想得灰暗喎。我有時聽到佢哋見解自己都会在腦海中作出比較....若果中國人会点做呢？

我今天下午做咗揚州炒反(即炒冷反）和翻焗炸薯條（又隔夜）做午餐

哈！係九唔搭八o架呢Ｄ就係我中西文化融和並結合在吾之肚腹也。