昨晚十点多收到一份大禮，有人燒着個煙花放在我家大門前並按鈡后閃人
我在二樓開窗望落街時，只看見個煙花喺咁燒，一位鄰居放狗經過並告訴我是个十幾歲Ｄ少年做嘅！可惜他走得太快看不清楚是誰。鄰居又問我哋要唔要報警？好彩我哋無立刻開門，間屋又無事！煊煊話咁夜唔好打電話報警啦！
但我成晚都瞓得唔安樂，醒咗十幾次呀！好驚有賊入屋，一有Ｄ聲又醒，睡了又醒！唉！美國小孩就是頑皮！胡亂扔煙花在別人門口！真氣人！
這是第一次收到的特別大禮呀！
今早回公司向同事們訴苦，男女同事意見呈兩極化﹕「她」們全都一致認為要報警，因為這種情況可大可小，分分鐘屋都可以燒埋，釀成火災又或開門時會被煙火炸傷。
但「他」們則認為年年國慶長週末前後都是這個情況，佢哋細個時都曾做過呢Ｄ嘢，就算事后叫警察都無補於事，算數吧！
今早我嚴重失眠，心情勁差，應該話非常惡劣！雖然明知捉唔到个少年但還是打去local警察局備案，告知他們昨天情況，要求加強巡視我家四周環境！
年青人是貪玩但亦不應將自己快樂建築在別人的痛苦上！現在時世唔好，你点知係咪當你開門時会有賊推你入屋打刼0架？！若非看到一位鄰居放狗經過，我一定不會開門，亦会立刻報警等警察來呀！
這就是屍骸，今早影下的！
4 comments:
原來妳係美國咁happy ~
題目可否改為全世界的孩子就是頑皮。
這是誰的錯？
[版主回覆07/07/2009 18:37:00]孩子就是頑皮....不同年代有不同時興的頑皮。大些会定性些，唔学坯就OK
咁大整估呀,好彩無出外啫.
[版主回覆07/08/2009 18:23:00]所以孩子的教育是非常重要！奈何很多父母只將此責任推倒在學校身上，而忽略家教的重要性
細時偷針,大時偷金.............小朋友要由細教好。
[版主回覆07/09/2009 07:16:00]現在小孩很早熟，要教好真喺冇Ｄ耐性和EQ都唔掂！不簡單！
真的很危險呢 我以前住house, 會先放下防盜鎖看清來者何人才會開門的
[版主回覆07/10/2009 09:49:00]是啊！嚇死我 ～太夜又驚有賊躲在一旁，所以我通常走上二樓開窗望落下面0架!
Post a Comment